Lihlehlisiwe Ityala leNdoda Etyholwa Ngokubulala Intombi Yayo
Ityala elijongene nendoda etyholwa ngokubulala intombi yakhe yomtshato wesibini lihlehliselwe uMvulo ozayo kwinkundla kamantyi yaseMankweng, ngaphandle kwasePolokwane eLimpopo.
U-Andrew Mehlape oneminyaka engamashumi amane anesibhozo ubudala uhlatywe wabulala uRebotile Moloto oneminyaka elishumi elinesine ubudala ngentsasa yangoLwesihlanu xa wayesiya esikolweni eGa-Thoka, ngaphandle kwaseMankweng.
Isithethi samapolisa aseLimpopo uMalesela Ledwaba uthi esi sehlo silandela ingxabano phakathi kukamama kaMoloto noMehlape kubusuku obungaphambili.
Umantyi uArshard Chaya ulihlehlile ityala ukuze isicelo sikaMehlape soncedo lwezomthetho siqwalaselwe.
“Eli tyala lihlehliselwe umhla wamashumi amabini anesine, kweyoKwindla kulo ka2025, ngenxa yeenkcukacha zakho kunye nesicelo sakho sebheyile yoncedo lwasemthethweni, uyakuhlala eluvalelweni kude kube ngoko,” utshilo uMantyi.