UMPHATHISWA WEZEMFUNDO UXELELE I-PALAMENTE NGEEMEKO EZINCOMEKAYO ZEZIKOLO
Umphathiswa weMfundo esiSiseko uSiviwe Gwarube uxelele iPalamente ngoLwesibini, umhla wesithandathu kuCanzibe, ukuba umyinge wamashumi alithoba ekhulwini (90%) wezikolo zoMzantsi Afrika zikwimeko encomekayo, ngu 8% qha esichazwe njengezihluphekileyo ne-2% ekwimeko embi kakhulu.
Enika ingxelo kwiKomiti yeMicimbi yeSebe leMfundo esiSiseko, uGwarube uphendule kwiziphumo zokongamela ezidize iinkxalabo ezinkulu zeziseko zophuhliso—kuquka ukuwohloka kwezakhiwo, amagumbi okufundela eekhonteyina, nokungafikeleli ngokwaneleyo kwamanzi nombane.
Ugxininise imfuneko yedatha echanekileyo yokulandelela ukusilela kunye nokuthotyelwa kweMimiselo neMigangatho yeziSeko zoPhuhliso.
Umphathiswa uthe zingaphaya kwamawaka asibhozo izikolo ezisafuna amagumbi okufundela, uqikelelo lweendleko ezikwiR32 billion.
Uye wajongana nemiba eqhubekayo yogutyulo, evuma ukuba isebe liphose umhla wama-31 kaMatshi owawuzibekele wona ukuze kupheliswe zonke izindlu zangasese ezinemingxuma.
“Lo nto ayithethi ukuba akukho zindlu zangasese zemingxunya okanye ziyi-139 kuphela ezikhoyo, ithi ukusuka kukusilela ngo-2018 okanye kuphicotho-zincwadi olwenziwayo, i-139 yezi projekthi zisekhona kwaye ndifuna ukuqinisekisa amalungu ukuba nangona sisenokuba asikhange siwufezekise umhla obekiweyo wonyaka-mali odlulileyo, sisebenza imini nobusuku ukuqinisekisa ukuba siyakubuya kwaye siyakunikela ingxelo,” utshilo.
Wongeze ngelithi inkqubo yezindlu zangasese emigodini ifikelele kwi-96% yezikolo phambi kokuba inqunyanyiswe ngenxa yokunqongophala kwemali ekupheleni konyaka-mali.
“Izikolo eziyi-13,485 zifuna izindlu zangasese ezongeziweyo ukumelana nokunyuka kwamanani abafundi, kwaye lo nto ingafuna i-R14 yeebhiliyoni ukuze sikwazi ukubongezelela ezinye izindlu zangasese, kuba nangona unokuba nezindlu zangasese ezifanelekileyo kwesi sikolo.
Le ngxelo ikwadize ukuba ngaphezulu kwamakhulu amahlanu emingxuma yangasese ekusafuneka itshatyalaliswe.